‘ప్రేమలు’ సినిమాతో తెలుగు, తమిళ, మలయాళ యువతలో విపరీతమైన క్రేజ్ సంపాదించుకున్న మలయాళీ ముద్దుగుమ్మ మమితా బైజు భారత చలనచిత్ర పరిశ్రమలోనే ఎవరికీ సాధ్యంకాని ఒక అరుదైన రికార్డును సొంతం చేసుకుంది. కేవలం 29 రోజుల స్వల్ప వ్యవధిలో ఆమె నటించిన మూడు సినిమాలు వరుసగా బాక్సాఫీస్ వద్ద రూ. 200 కోట్లకు పైగా వసూళ్లు సాధించి సంచలనం సృష్టించాయి. ఈ అద్భుతమైన ఘనత సాధించిన తొలి భారతీయ నటిగా మమితా బైజు సరికొత్త చరిత్ర లిఖించింది.
ఆమె నటించిన చిత్రాల వసూళ్ల వివరాల్లోకి వెళితే.. మమితా ప్రధాన పాత్రలో వచ్చిన ‘జననాయగన్’ చిత్రం ప్రపంచవ్యాప్తంగా ఏకంగా రూ. 300 కోట్లకు పైగా గ్రాస్ రాబట్టి బాక్సాఫీస్ను షేక్ చేసింది. దీనితో పాటు ఆమె నటించిన మరో ప్రతిష్టాత్మక చిత్రం ‘విశ్వనాథ్ అండ్ సన్స్’ థియేటర్లలో భారీ వసూళ్లతో దూసుకుపోతూ రూ. 240 కోట్ల మార్కును అందుకుంది. ఇకపోతే, ప్రముఖ మలయాళ స్టార్ నివిన్ పాలీతో కలిసి ఆమె నటించిన ‘బెల్లెహోమ్ కుటుంబ యూనిట్’ చిత్రం కూడా ఇప్పటికే రూ. 200 కోట్ల క్లబ్లో చేరి తన విజయయాత్రను కొనసాగిస్తోంది.
ఇలా బ్యాక్-టు-బ్యాక్ విడుదలైన మూడు సినిమాలు కూడా కేవలం నెల రోజులు తిరక్కుండానే రూ. 200 కోట్ల మైలురాయిని దాటడం, మొత్తం కలిపి రూ. 700 కోట్లకు పైగా వసూళ్లను సాధించడం సౌత్ ఇండస్ట్రీలోనే కాకుండా ఇండియన్ సినిమా చరిత్రలోనే ఒక అపూర్వ రికార్డుగా నిలిచింది. ప్రస్తుతం సోషల్ మీడియాలో మమితా బైజు లక్కీ హ్యాండ్, ఆమె నటనపై టాలీవుడ్, మోలీవుడ్ వర్గాలతో పాటు అభిమానులు పెద్ద ఎత్తున ప్రశంసల వర్షం కురిపిస్తున్నారు.
